LIC New Plan 2025: एलआयसी च्या दोन नवीन योजनांबद्दल जाणून घ्या, LIC जण सुरक्षा आणि बिमा लक्ष्मी; महिला आणि सर्वसामान्यांसाठी अर्थीक संरक्षण.

LIC New Plan 2025: भारतीय जीवन बिमा निगम (LIC) यांनी 14 ऑक्टोबर 2025 रोजी एक्सचेंज फाइलिंगद्वारे जाहीर केले की 15 ऑक्टोबर 2025 पासून नवीन दोन विमा योजना सुरू केल्या आहेत; LIC जन सुरक्षा प्लॅन आणि LIC बीमा लक्ष्मी प्लॅन. या दोन योजनांचे उद्दिष्ट वेगळ्या आर्थिक स्तरावर असलेल्या लोकांसाठी आयुर्विमा संरक्षण आणि बचत यांचे संयोजन प्रदान करणे हे आहे.

LIC जन सुरक्षा ही एक कमी खर्चाची “मायक्रो इन्शुरन्स” योजना आहे, जी विशेषतः कमी व मध्यम आर्थिक स्तरावरील लोकांसाठी उपयोगी असेल. ही योजना नॉन-लिंक्ड आणि नॉन-पार्टिसिपेटिंग आहे, म्हणजे तिचे परतावे बाजारातील चढउतारांवर अवलंबून नसतील आणि यात बोनस वाटपाचा भाग नाही.

तर LIC बीमा लक्ष्मी ही महिला वर्गासाठी डिझाइन केलेली आयुर्विमा संरक्षण व बचत योजना आहे, ज्यात लाईफ कव्हर आणि म्युच्युरिटी वेळी एक ठराविक रक्कम मिळण्याची सुविधा आहे. ही योजना देखील नॉन-लिंक्ड आणि नॉन-पार्टिसिपेटिंग आहे, म्हणजे त्यात मार्केटवरील बदलाचा थेट प्रभाव होत नाही.

LIC जन सुरक्षा (LIC Jan Suraksha)

काय आहे ही योजना?: LIC New Plan 2025

LIC जन सुरक्षा इन्शुरन्स योजना ही विमा संरक्षणासोबत बचतीचीही सुविधा देणारी योजना आहे. ही नॉन-लिंक्ड आणि नॉन-पार्टिसिपेटिंग योजना असल्यामुळे बाजारातील नफा-तोट्याचा थेट परिणाम या पॉलिसीवर होत नाही. त्यामुळे गुंतवणुकीचा धोका अत्यल्प राहतो.

या योजनेत पॉलिसीधारकाचा अकाली मृत्यू झाल्यास लाभार्थ्याला निश्चित एकरकमी रक्कम मिळते, जी कुटुंबाच्या आर्थिक सुरक्षेसाठी मोठा आधार ठरते. तसेच, जर पॉलिसीधारक पॉलिसीचा पूर्ण कालावधी पर्यंत असेल, तर मॅच्युरिटीवर आकर्षक रक्कम बोनससह मिळते. अशा प्रकारे या योजनेमध्ये संरक्षण आणि बचत अशा दोन्ही सुविधा एकत्र दिल्या आहेत म्हणूनच हि योजना एक संतुलित आयुर्विमा योजना आहे.

वयोमर्यादा (Entry Age)

• किमान वय: 18 वर्ष (पूर्ण वय झालेले)
• कमाल वय: 55 वर्ष

विमा रक्कम (Basic Sum Assured)

• किमान रक्कम: ₹1,00,000
• कमाल रक्कम: ₹2,00,000

पॉलिसी कालावधी (Policy Term)

• पॉलिसी कालावधी: 12 ते 20 वर्षे
• प्रीमियम देण्याचा कालावधी = पॉलिसी कालावधी – 5 वर्षे, (म्हणजे 7 ते 15 वर्ष)

उदाहरणार्थ, जर पॉलिसी 15 वर्षांसाठी असेल, तर प्रीमियम फक्त 10 वर्षे द्यावे लागतील.

मुख्य वैशिष्ट्ये LIC New Plan 2025

1. मायक्रो इन्शुरन्स — कमी प्रीमियमवर संरक्षण
2. मर्यादित प्रीमियम भरण्याची प्रणाली — पूर्ण कालावधीसाठी नव्हे
3. Auto Cover — तीन वर्षे पूर्ण प्रीमियम भरल्यानंतर सुरू होणारी स्वयंपूर्ण संरक्षण सुविधा
4. पॉलिसी कर्ज (Policy Loan) — एक वर्ष पूर्ण प्रीमियम भरल्यानंतर कर्ज घेता येईल
5. Guaranteed Additions — सुरुवातीपासूनच दरवर्षी निश्चित वाढ (4% वार्षिक प्रीमियमचे)

गॅरंटीड ऍडिशन्स म्हणजे दर वर्षी त्या पॉलिसीवर्जित प्रीमियमच्या 4% एवढी अतिरिक्त रक्कम जोडली जाईल.

कोणासाठी उपयुक्त?

ही योजना विशेषतः कमी आणि मध्यम उत्पन्न गटातील लोकांसाठी तयार करण्यात आली आहे, ज्यांना कमी खर्चात लाईफ कव्हर आणि त्यासोबत बचतीचा लाभ हवा आहे. अशा लोकांसाठी ही योजना एक आदर्श पर्याय ठरते कारण ती परवडणाऱ्या प्रीमियममध्ये आर्थिक सुरक्षा आणि दीर्घकालीन बचत दोन्ही सुविधा देते.

पॉलिसीधारकाच्या अकाली निधनाच्या वेळी कुटुंबाला एकरकमी आर्थिक सहाय्य मिळते, तर पॉलिसीचा कालावधी पूर्ण झाल्यावर मॅच्युरिटी रक्कम बचतीच्या स्वरूपात उपलब्ध होते. त्यामुळे ही योजना सुरक्षा, स्थैर्य आणि आर्थिक नियोजन या तिन्ही बाबतीत संतुलन साधणारी ठरते

LIC बीमा लक्ष्मी (LIC Bima Lakshmi)

काय आहे ही योजना?: LIC New Plan 2025

LIC बीमा लक्ष्मी बचत योजना, जी विशेषतः महिला वर्गाच्या आर्थिक सुरक्षा आणि बचतीच्या गरजा लक्षात घेऊन डिझाइन करण्यात आली आहे. ही नॉन-लिंक्ड आणि नॉन-पार्टिसिपेटिंग योजना असल्यामुळे बाजारातील अस्थिरतेचा कोणताही परिणाम पॉलिसीवर होत नाही, त्यामुळे गुंतवणूक पूर्णपणे सुरक्षित राहते.

या योजनेअंतर्गत महिलांना जीवन सुरक्षा सोबतच परिपक्वतेच्या वेळी निश्चित स्थिर रक्कम मिळते, जी भविष्यकालीन गरजा पूर्ण करण्यास मदत करते. याशिवाय या योजनेत मर्यादित आजार कव्हरेज तसेच अ‍ॅड-ऑन रायडर्स (Add-on Riders) द्वारे अतिरिक्त लाभांची सुविधाही उपलब्ध आहे. त्यामुळे महिलांसाठी ही योजना आर्थिक स्थैर्य, संरक्षण आणि बचत यांचा उत्कृष्ट संगम ठरते.

वयोमर्यादा (Entry Age)

• किमान वय: 18 वर्षे (शेवटच्या वाढदिवसापर्यंत)
• कमाल वय: 50 वर्षे

पॉलिसी कालावधी (Policy Term) & प्रीमियम भरण्याची मुदत

• पॉलिसी कालावधी: 25 वर्षे
• प्रीमियम भरण्याचा कालावधी: 7 ते 15 वर्षे

म्हणजे एखादा विमाधारक 7 वर्षांत प्रीमियम भरू शकतो किंवा 15 वर्षांचा पर्याय घेऊ शकतो.

विमा रक्कम (Basic Sum Assured)

• किमान रक्कम: ₹2,00,000
• कमाल मर्यादा: कोणतीही निश्चित मर्यादा नाही (अंडररायटींग धोरणानुसार)

Auto Cover सुविधा

तीन वर्षे प्रीमियम भरण्यानंतर ऑटो कव्हर, तसेच, विमाधारक महिला असल्यामुळे, काही महिला विशिष्ट riders (उदा. महिला गंभीर आजार राइडर) स्वीकारणीस अटींसह उपलब्ध आहेत.

Guaranteed Additions

दर वर्षी मिळणारी निश्चित वाढ दर: 7%, पॉलिसी सुरू असताना आणि Paid-up (प्रीमियम भरणे थांबवल्यावर) असताना योग्य अनुपाताने वाढ लागू होईल

मुख्य वैशिष्ट्ये LIC New Plan 2025

1. महिला केंद्रित योजना — विशेषतः स्त्रियांसाठी तयार
2. जीवन + बचत — जीवन संरक्षण आणि परिपक्वतेवर ठराविक रक्कम
3. तीन Survival Benefit पर्याय — विमाधारकाला निवड करण्याची मुभा
4. परिपक्वते/मृत्यू लाभ हप्त्यांमध्ये द्या शक्यता
5. राइडर्सचा लाभ — आजार संरक्षण, इतर लाभ
6. Auto Cover सुविधा
7. उच्च विमा रक्कमासाठी प्रोत्साहने

कोणासाठी उपयुक्त?

ही योजना त्या महिलांसाठी विशेषतः उपयुक्त आहे ज्या आपल्या कुटुंबाचे भविष्य सुरक्षित ठेवत जीवन विमा आणि बचत योजनांचे संयोजन शोधत आहेत. अशा महिलांना एकाच पॉलिसीमधून दीर्घकालीन बचत आणि संपूर्ण जीवन संरक्षण दोन्हीचा लाभ मिळतो.

या योजनेत दरवर्षी निश्चित वाढ (Guaranteed Additions) मिळत असल्यामुळे गुंतवणुकीची रक्कम वर्षागणिक वाढत जाते, ज्यामुळे भविष्यातील मोठ्या आर्थिक गरजा सहज पूर्ण करता येतात. ही योजना महिलांना केवळ आर्थिक स्थैर्यच नाही तर सुरक्षित आणि नियोजित बचतीचा आत्मविश्वास देखील प्रदान करते.

तुलना: कोणती योजना, कधी उपयोगी?

कोणती योजना निवडावी?

जर तुमचे उत्पन्न मर्यादित असेल आणि तुम्हाला कमी खर्चात सुरक्षा हवा असेल, तर LIC जन सुरक्षा अधिक योग्य ठरेल. पण जर तुम्ही महिला असाल आणि अधिक बचत + जीवन संरक्षण यातुन लाभ घ्यायचा असेल, तर LIC बीमा लक्ष्मी चांगली निवड ठरू शकते. तसेच तुमच्या वय, उत्पन्न स्थिती, आर्थिक जबाबदा-या, भविष्यातील गरज विचारात घेऊन निर्णय घ्यावा.

LIC च्या शेअरवर परिणाम

या दोन योजनांच्या घोषणे नंतर, LIC च्या शेअरमध्ये थोडी तेजी दिसून आली, जरी भारतीय शेअर बाजाराच्या एकंदरीत स्थितीमध्ये मंदी असली तरी दिवसभर LIC चा शेअर ₹904.15 च्या उच्चांकापासून ₹893.45 च्या नीचांकापर्यंत गेला. मागील बंद भाव होता ₹897.25.

एक वर्षात LIC च्या शेअरमध्ये सुमारे 6% घसरण झाली आहे आणि यावर्षी आतापर्यंत साधारण 0.5% घसरण. मात्र मागील सहा महिन्यात या शेअरमध्ये जवळपास 17% च्या वाढीचा ट्रेंड दिसला आहे. हा बदल सूचित करतो की लोकांना नव्या योजनांमध्ये आशा आहे.

LIC New Plan 2025

दोन्ही योजना; LIC जन सुरक्षा आणि LIC बीमा लक्ष्मी; विविध गरजा आणि आर्थिक स्तरावर विचार करून डिझाइन केलेल्या आहेत.

• जन सुरक्षा योजना कमी प्रीमियम, सोपे लाभ, कमी लगत या लोकांसाठी आहे.
• बीमा लक्ष्मी योजना महिला वर्गासाठी अधिक व्यापक बचत व सुरक्षा लाभ देते.

या दोन्ही योजनांसह, LIC चा उद्दिष्ट आहे की अधिक लोकांना जीवन विमा सुरक्षा मिळावी आणि त्यांच्यातील आर्थिक जागरूकता वाढावी.

तुमच्या व्यक्तिगतरित्या योग्य योजना निवडण्यासाठी, वय, उत्पन्न, कुटुंबीय जबाबदाऱ्या, भविष्यातील गरजा यांचा विचार करून निर्णय घ्या. तसेच LIC च्या अधिकृत कार्यालय किंवा विमा सल्लागारकडून अटी, दर, विमा रक्कम इत्यादी तपासून घ्या.

LIC New Plan 2025 link: https://licindia.in/web/home