LIC smart pension plan: पेन्शन योजनेत एकदाच पैसे भरा, आयुष्यभर पेन्शन मिळवा! पण गुंतवणुकीपूर्वी जाणून घ्या ‘या’ महत्त्वाच्या गोष्टी.

LIC smart pension plan: निवृत्तीनंतर दर महिन्याचा खर्च कसा भागवायचा, हा अनेकांसमोरील महत्त्वाचा प्रश्न असतो. नोकरीचा पगार थांबल्यानंतरही घरखर्च, औषधे आणि दैनंदिन गरजा सुरूच राहतात. अशावेळी नियमित उत्पन्नाची व्यवस्था करण्यासाठी LIC Smart Pension Plan No. 879 चा विचार करता येतो. या योजनेत एकरकमी प्रीमियम भरून निवडलेल्या पर्यायानुसार आयुष्यभर पेन्शन मिळते.

मात्र, आपल्या जास्तची पेन्शन, जोडीदारासाठी उत्पन्न आणि वारसांना मूळ रक्कम परत मिळणे, आशा वेगवेगळ्या गरजा असतात. त्यामुळे ही योजना घेताना योग्य पेन्शन पर्याय निवडणे सुद्धा आवश्यक आहे.

LIC स्मार्ट पेन्शन म्हणजे काय?

LIC Smart Pension ही सिंगल प्रीमियम इमिजिएट ॲन्युइटी योजना आहे. म्हणजेच एकदाच प्रीमियम भरायचा आणि निवडलेल्या पर्यायाप्रमाणे पेन्शन घ्यायची. ही शेअर बाजाराशी निगडीत योजना नाही त्यामुळे पेन्शनचे दर पॉलिसी घेतानाच निश्चित होतात. LIC smart pension plan

योजनेची प्रमुख माहिती

तुमच्यासोबत जोडीदारालाही आर्थिक आधार!

या योजनेत सिंगल लाइफ आणि जॉइंट लाइफ पर्याय उपलब्ध आहेत. सिंगल लाइफमध्ये एका व्यक्तीच्या आयुष्याशी संबंधित लाभ मिळतात. जॉइंट लाइफमध्ये निवडलेल्या पर्यायानुसार पहिल्या पेन्शनधारकाच्या मृत्यूनंतर दुसऱ्या पेन्शनधारकाला पेन्शन सुरू राहू शकते.

काही पर्यायांत जोडीदाराला मूळ पेन्शनच्या ५० टक्के, तर काहींमध्ये १०० टक्के पेन्शन मिळण्याची तरतूद आहे. मूळ विमा रक्कम परत मिळण्याचा लाभही प्रत्येक पर्यायात नसतो. त्यासाठी योग्य पर्याय निवडावा लागतो.

₹१० लाख भरल्यावर किती पेन्शन मिळेल?

LIC च्या अधिकृत उदाहरणात मुख्य व्यक्तीचे वय ६० वर्षे, जॉइंट लाइफसाठी दुसऱ्या व्यक्तीचे वय ५५ वर्षे, विमा रक्कम ₹१० लाख आणि पेन्शनची घेण्याचा प्रकार वार्षिक आहे. तर पुढील प्रमाणे, वेगवेगळया पर्याया प्रमाणे पेन्शन मिळेल. LIC smart pension plan

८.५०% म्हणजे व्याजदर आहे का?

नाही. वरील तक्त्यातील टक्केवारी म्हणजे वार्षिक पेन्शन आणि खरेदी रक्कम यांचे प्रमाण आहे.

उदाहरणार्थ, ₹८५,००० ÷ ₹१०,००,००० × १०० = ८.५०%.

याला एफडीचा व्याजदर किंवा गुंतवणुकीचा वास्तविक वार्षिक परतावा समजू नये. मूळ रक्कम परत मिळते का आणि किती काळ पेन्शन मिळते, याचा एकूण परताव्यावर परिणाम होतो. तसेच वार्षिक पेन्शनला १२ ने भागून प्रत्यक्ष मासिक पेन्शन गृहीत धरू नका; मासिक पेन्शन पर्यायाचे दर वेगळे आहेत.

पॉलिसीमध्ये पैसे काढण्याची सुविधा आहे का?

ग्राहक माहितीपत्रकानुसार सर्व पर्यायांत पॉलिसी सरेंडर करण्याची सुविधा नाही. ती D, E1 ते E5, F आणि J या पर्यायांमध्ये उपलब्ध आहे. कर्जाची सुविधाही निवडक पर्यायांपुरती असून त्यासाठी काही अटी लागू होतात.

यामध्ये Liquidity Option, Advanced Annuity Option आणि Annuity Accumulation Option अशा सुविधांचाही उल्लेख आहे. मात्र, त्या वापरण्यापूर्वी आपल्या पर्यायाला लागू असलेल्या अटी समजून घ्याव्यात.

या योजनेत स्वतंत्र मॅच्युरिटी लाभ नाही. मृत्यूनंतर मिळणारा लाभ निवडलेल्या पेन्शन पर्यायावर अवलंबून असतो.

आजची पेन्शन उद्याच्या खर्चाला पुरेल का?

फक्त सर्वाधिक पेन्शनचा आकडा पाहण्याऐवजी आपल्या घराचा मासिक खर्च लिहून काढा. जोडीदारासाठी स्वतंत्र उत्पन्न आहे का, वारसांना मूळ रक्कम ठेवायची आहे का आणि अचानक खर्चासाठी बचत किती आहे, हे तपासा.

महागाईमुळे पुढील काळात खर्च वाढू शकतो. त्यामुळे आज मिळणारी पेन्शन भविष्यात किती खर्च भागवेल, याचाही विचार करा. आपल्या वयाचे, अपेक्षित पर्यायाचे आणि मासिक किंवा वार्षिक पेन्शनचे अधिकृत लेखी कोटेशन घेऊनच निर्णय घ्या.

निवृत्तीनंतरच्या नियोजनात पेन्शनचा आकडा जितका महत्त्वाचा आहे, तितकीच त्यातून भागणाऱ्या खर्चाची गणना महत्त्वाची आहे. आज पुरेशी वाटणारी रक्कम महागाईमुळे पुढे अपुरी पडू शकते.

या योजनेत ठराविक साध्या दराने वाढणाऱ्या पेन्शनचेही पर्याय आहेत; मात्र ही वाढ प्रत्यक्ष महागाईशी जोडलेली नाही. तसेच निवडलेला वार्षिकी पर्याय नंतर बदलता येत नाही.

LIC smart pension plan

निवृत्तीनंतर नियमित उत्पन्नाची व्यवस्था करण्यासाठी LIC स्मार्ट पेन्शन प्लॅन 879 हा विचार करण्याजोगा पर्याय आहे. एकदाच प्रीमियम भरून निवडलेल्या पर्यायानुसार आयुष्यभर पेन्शन, जोडीदारासाठी आर्थिक आधार आणि काही पर्यायांत मूळ खरेदी रकमेचा परतावा मिळू शकतो.

मात्र, पेन्शनचे प्रमाण म्हणजे एफडीसारखा व्याजदर नाही. त्यामुळे केवळ मोठ्या पेन्शनच्या आकड्याकडे पाहण्याऐवजी महागाई, आपत्कालीन खर्च आणि कुटुंबाच्या गरजा लक्षात घ्या. LIC कडून आपल्या वय व गरजेनुसार अधिकृत कोटेशन घेऊन, सर्व अटी समजून घेतल्यानंतरच योग्य पर्याय निवडा.