Life Insurance New Business Premium 14% Increase: 2024 च्या सप्टेंबर महिन्यात, भारतातील लाइफ इन्शुरन्स कंपन्यांची वाटचाल साकारत्मकतेकडे झाली आहे, कारण सर्वच लाइफ इन्शुरन्स कंपन्यांच्या नवीन व्यवसाय प्रीमियममध्ये 14 टक्क्यांची वाढ झाली आहे. या वाढीच्या प्रमुख कारणांमध्ये वैयक्तिक पॉलिसी, टर्म इन्शुरन्स पॉलिसी आणि सिंगल प्रीमियम कलेक्शनमधील वाढ लक्षणीय आहे.
विशेषतः भारतीय जीवन बीमा निगम (LIC) आणि खाजगी आयुर्विमा कंपन्यांनी या सप्टेंबरमध्ये आपल्या व्यवसायामधील पहिल्या प्रीमियममध्ये मोठ्या प्रमाणात वाढ नोंदवली आहे. या लेखात आपण या आकडेवारी बद्दल सविस्तर माहिती घेणार आहोत आणि या वाढीमागील कारणांचा आढावा घेणार आहोत, यासाठी हा लेख संपूर्ण वाचा आणि इतरांना शेअर करा.
विमा कंपन्यांच्या नवीन व्यवसाय प्रीमियममध्ये वाढ: कारणं आणि परिणाम.
सप्टेंबर 2024 मध्ये, भारतातील आयुर्विमा कंपन्यांनी नवीन प्रथम प्रीमियमच्या स्वरूपात एकूण ₹35,020.28 कोटींची प्रीमियम ठेव नोंदवली आहे, जी मागीलवर्षीच्या तुलनेत 14% वाढ दर्शवते. ही वाढ मुख्यतः सिंगल लाइफ, गैर-सिंगल प्रीमियममधून झाली आहे, ज्यामुळे आयुर्विमा उद्योगाला मोठा आधार मिळाला आहे.
LIC च्या नवीन व्यवसाय प्रीमियममध्ये 12% वाढ.
या वाढीमध्ये प्रथम स्थानावरती भारतीय जीवन बीमा निगम (LIC) ने सप्टेंबर महिन्यात ₹20,369.26 कोटींचा नवीन व्यवसाय प्रीमियम नोंदवला आहे. LIC च्या एकूण प्रीमियममध्ये सिंगल प्रीमियमचा मोठा वाटा ग्रुप इन्शुरन्स मधून आला आहे, जो ₹12,786.61 कोटींवर होता. वैयक्तिक गैर-सिंगल प्रीमियम ₹3,862.02 कोटी होता, तर वैयक्तिक सिंगल प्रीमियम ₹3,233.44 कोटींवर नोंदवला गेला आहे.
LIC ने या आर्थिक वर्षाच्या पहिल्या तीन तिमाहीत 25% वाढ नोंदवली आहे, ज्यात ₹1.15 ट्रिलियन नवीन व्यवसाय प्रीमियम जमा झाला आहे. गेल्या वर्षी याच काळात ही रक्कम ₹92,642.62 कोटी होती.
खाजगी आयुर्विमा कंपन्यांची प्रीमियम वाढ.
खाजगी क्षेत्रातील SBI Life, HDFC Life आणि ICICI Prudential या आयुर्विमा कंपनी आघाडीवर असून, एकत्रित रित्या या कंपन्यांनी सप्टेंबर 2024 मध्ये ₹14,651.02 कोटींचा नवीन प्रीमियम व्यवसाय नोंदवली आहे, ज्यामध्ये मागीलवर्षीपेक्षा 16% वाढ झाली आहे. SBI Life ने खाजगी क्षेत्रातील सर्वात मोठा नवीन व्यवसाय प्रीमियम नोंदवली असून तो ₹2,991.77 कोटी आहे. त्यापाठोपाठ HDFC Life ₹2,670.46 कोटी आणि ICICI Prudential Life ₹1,659.9 कोटींसह आघाडीवर आहेत.
नवीन पॉलिसी सुरु करण्यात 45.49% वाढ.
सर्व आयुर्विमा कंपन्यांद्वारे या वर्षी सप्टेंबर महिन्यात नवीन पॉलिसी सुरु करण्याच्या संख्येत 45.49% वाढ झाली आहे. गेल्या वर्षी सप्टेंबर 2023 मध्ये 22,11,680 पॉलिसी सुरु झाल्या होत्या, तर सप्टेंबर 2024 मध्ये 32,17,880 नवीन पॉलिसी सुरु करण्यात आल्या आहेत. या वाढीमुळे ग्राहकांकडून अधिक संरक्षणाच्या मागणीत वाढ झालेली आपणास दिसून येते.
IRDAI चे नवीन नियम.
IRDIA ने सप्टेंबरमध्ये सर्व कंपन्यांचे आयुर्विमा प्रतिनिधींना मिळणारे कमिशन कमी करण्याचा निर्णय घेतला, ज्यामुळे पहिल्या वर्षाच्या एजंट कमिशनमध्ये 7% इतकी घट केली आहे. हा निर्णय विमा नियामक आणि विकास प्राधिकरणाने (IRDAI) दिलेल्या निर्देशानुसार भारतातील सर्व आयुर्विमा कंपन्यांना लागू केला आहे. अनेक निर्णयाबरोबरच IRDAI ने अलीकडेच विमा पॉलिसींच्या सरेंडर व्हॅल्यू परसेंट मध्ये वाढ केली आहे, ज्यामुळे पॉलिसी मुदत संपण्याआधी बंद होणाऱ्या पॉलिसीद्वारे विमा ग्राहकांना अधिक लाभ मिळू शकतो.
आयुर्विमा कंपन्यांचा विस्तार आणि आगामी आव्हाने.
खाजगी लाइफ इन्शुरन्स कंपन्यांनी 12% वाढीसह, एप्रिल ते सप्टेंबर कालावधीत एकूण ₹73,664 कोटींची नवीन व्यवसाय प्रीमियम नोंदवली आहे. जरी हा आकडा खूपच मोठा वाटत असला तरीही, भविष्यातील आव्हाने कायम आहेत. आगामी काळात विमा क्षेत्रामध्ये ग्राहकांच्या विश्वासाला कसे राखले जाईल हे महत्त्वाचे असणार आहे.
LIC समोरील आव्हाने
वाढत्या व्यवसाय प्रीमियममुळे जरी विमा क्षेत्रात सकारात्मकता आली असली तरीही LIC सोबत सर्वच आयुर्विमा कंपनीच्या विमा प्रतिनिधींच्या कमिशनमध्ये घट केल्याने आणि नवीन सरेंडर व्हॅल्यूच्या नियमांमुळे पुढील काही महिन्यांमध्ये कंपन्यांच्या व्यवसायावर परिणाम होऊ शकतो. यामुळे LIC सह सर्वानाच पुढील तिमाहीत त्यांची वाढ टिकवून ठेवण्यासाठी नवीन रणनीतीचा अवलंब करावा लागेल. (Life Insurance New Business Premium 14% Increase)
निष्कर्ष: life insurance new business premium 14% increase
सप्टेंबर 2024 मध्ये लाइफ इन्शुरन्स कंपन्यांच्या नवीन व्यवसाय प्रीमियममध्ये मोठी वाढ झाली आहे, ज्यामुळे विमा क्षेत्रातील सकारात्मकतेची नोंद झाली आहे. LIC सह खाजगी आयुर्विमा कंपन्यांच्या नवीन व्यवसाय प्रीमियममध्ये उल्लेखनीय वाढ झाली असून, भविष्यातील काही आव्हानेही समोर आहेत. IRDAI च्या नवीन नियमांनुसार LIC आणि इतर कंपन्यांना आपल्या धोरणात बदल करावा लागेल.
Call to Action: आपल्या आयुर्विमा संरक्षणाची निवड करताना विश्वसनीय आयुर्विमा कंपनीशी संपर्क साधा आणि आपल्या कुटुंबाच्या भविष्यासाठी सुरक्षित गुंतवणूक करा.