Credit Card UPI Link: आजकाल QR कोड स्कॅन करून पेमेंट करणं खूपच सोपं झालं आहे. अगदी भाजी खरेदी करतानादेखील लोक आता फोन काढून QR कोड स्कॅन करतात आणि काही सेकंदात पैसे भरतात. अशा वेळी जर तुम्ही तुमचं क्रेडिट कार्ड UPI शी लिंक केलं असेल, तर तुम्हाला फक्त व्यवहार करता येणार नाही, तर त्यावर रिवॉर्ड्स आणि कॅशबॅकसारखे फायदेही मिळू शकतात.
आधी केवळ डेबिट कार्ड किंवा बँक खातं वापरलं जात होतं, पण आता क्रेडिट कार्डदेखील QR कोडने वापरता येतं, यामुळे पेमेंटची एक नवी सोय सुरु झाली आहे. त्यामुळे डिजिटल पेमेंटचं क्षेत्र अधिक सुलभ आणि फायद्याचं होतं आहे. या लेखामध्ये UPI पेमेंट क्रेडिट कार्ड ने केल्यावर काय फायदे आहेत याबद्दल सविस्तर माहिती दिली आहे, त्यासाठी हा लेख संपूर्ण वाचा आणि इतरांना शेअर करा.
UPI म्हणजे काय आणि त्याची क्रांती
UPI म्हणजे “Unified Payments Interface” हि एक आधुनिक डिजिटल पेमेंट पद्धत आहे जी भारतात 2016 नंतर प्रचंड गतीने लोकप्रिय झाली. यामुळे बँक खात्यांमधून थेट व्यवहार करणं अतिशय सोपं झालं आहे. तुम्हाला केवळ मोबाईल नंबर, QR कोड किंवा UPI आयडी वापरून काही सेकंदात पैसे पाठवता किंवा स्वीकारता येतात.
Credit Card UPI Link/ 2024 मध्ये दररोज 35 कोटींहून अधिक व्यवहार UPI द्वारे झाले असून ही संख्याच त्याच्या विश्वासार्हतेचं आणि सोयीचं प्रतिक आहे. त्यामुळे आता लोकांना रोख रक्कम बाळगण्याची गरज उरलेली नाही. ही एक आर्थिक क्रांतीच आहे, जी घराघरांत पोहोचली आहे.
आता क्रेडिट कार्ड देखील UPI शी लिंक करता येतं
पूर्वी फक्त बँक खातं किंवा डेबिट कार्डच UPI शी लिंक करता येत होतं. पण NPCI ने आता RuPay क्रेडिट कार्ड UPI शी लिंक करण्याची परवानगी दिली आहे. यामुळे ग्राहकांना त्यांच्या क्रेडिट लिमिटचा वापर QR कोड स्कॅन करून थेट व्यवहार करण्यासाठी करता येतो. हे विशेषतः अशा ग्राहकांसाठी फायदेशीर आहे जे वेळोवेळी मोठी खरेदी करतात आणि त्यांना क्रेडिट कार्डचा अधिक चांगला वापर करायचा आहे. आता एकाच अ‍ॅपमध्ये बँक खाते आणि क्रेडिट कार्ड दोन्ही लिंक करून सहज व्यवहार करता येतात.
Credit Card UPI Link चे मुख्य फायदे
रिवॉर्ड पॉइंट्स आणि कॅशबॅक
क्रेडिट कार्डचं सर्वात मोठं आकर्षण म्हणजे रिवॉर्ड पॉइंट्स आणि कॅशबॅक ऑफर्स. जर तुम्ही तुमचं RuPay क्रेडिट कार्ड UPI शी लिंक केलं, तर प्रत्येक व्यवहारावर तुम्हाला पॉईंट्स मिळू शकतात. हे पॉईंट्स तुम्ही फ्युचर शॉपिंगसाठी वापरू शकता, डिस्काउंट मिळवू शकता किंवा काही वेळा कॅशबॅकमध्येही रूपांतरित होतात. डेबिट कार्डच्या तुलनेत क्रेडिट कार्डचे फायदे जास्त असतात. त्यामुळे जर तुम्ही दररोज QR कोड वापरत असाल, तर हे फायदे तुमच्यासाठी नक्कीच उपयुक्त ठरतात.
कोणत्याही QR कोडवर पेमेंट
भारतभर लाखो छोटे दुकानदार, फेरीवाले, रिक्षाचालक किंवा भाजीवाले QR कोडचा वापर करतात. पण त्यांच्या दुकानात POS मशीन नसते. अशा वेळी क्रेडिट कार्ड वापरणं शक्य होत नाही. पण जर ते क्रेडिट कार्ड UPI ला लिंक केलेलं असेल, तर तुम्ही ते QR कोड स्कॅन करून तिथेच कार्ड वापरू शकता. यामुळे तुम्ही लहान दुकानांमध्येही क्रेडिट कार्डचे फायदे घेऊ शकता. आता तुमच्या खिशात कार्ड बाळगण्याची गरजही नाही, फक्त मोबाइलमधून QR स्कॅन करा आणि पेमेंट करा.
क्रेडिट लिमिटचा वापर UPI द्वारे
UPI शी क्रेडिट कार्ड लिंक केल्यावर, तुम्ही तुमच्या क्रेडिट लिमिटचा थेट UPI व्यवहारांमध्ये वापर करू शकता. याचा अर्थ, मोठी खरेदी करताना बँक खात्यात पैसे नसलात तरी QR कोड स्कॅन करून खरेदी करता येते. यामुळे तुमची आर्थिक लवचिकता वाढते. उदाहरणार्थ, तुम्हाला एखादी वस्तू त्वरीत घ्यायची आहे, पण खात्यात पैसे नाहीत, अशावेळी UPI लिंक केलेलं क्रेडिट कार्ड अत्यंत उपयोगी ठरतं. शिवाय, हे व्यवहार सुरक्षित आणि जलद असतात.
बॅकअप पेमेंट पर्याय
आपत्कालीन परिस्थितीत किंवा अचानक लागलेल्या खर्चासाठी बॅकअप पर्याय असणे खूप गरजेचे असते. UPI शी लिंक केलेलं क्रेडिट कार्ड हेच एक प्रभावी बॅकअप पेमेंट पर्याय ठरते. उदा. एखाद्या मेडिकल इमर्जन्सीमध्ये खातं रिकामं असेल, तर तुम्ही QR कोड स्कॅन करून लगेचच व्यवहार करू शकता. क्रेडिट कार्डची ही सुविधा आता फक्त ऑनलाइन किंवा POS पर्यंत मर्यादित न राहता, सर्व सामान्य QR कोडमध्येही वापरता येते. त्यामुळे तुमचं आर्थिक नियोजन आणखी मजबूत होतं.
कसं कराल Credit Card UPI शी लिंक?
UPI शी क्रेडिट कार्ड लिंक करणं अतिशय सोपं आहे. तुमच्याकडे RuPay नेटवर्कवरचं क्रेडिट कार्ड असणं आवश्यक आहे. नंतर तुम्ही Google Pay, PhonePe, Paytm अशा कोणत्याही UPI अ‍ॅपमध्ये जाऊन कार्ड जोडू शकता: Credit Card UPI Link
- तुमचं RuPay क्रेडिट कार्ड तयार ठेवा.
- UPI अ‍ॅप उघडा (उदा. Google Pay).
- “Add Bank Account” किंवा “Add Credit Card” वर क्लिक करा.
- RuPay कार्ड निवडा आणि कार्ड नंबर टाका.
- OTP द्वारे व्हेरिफाय करा.
- कार्ड UPI ला लिंक झालं की तुम्ही QR कोड स्कॅन करून सहज पेमेंट करू शकता.
ही संपूर्ण प्रक्रिया फक्त काही मिनिटांची आहे, आणि एकदाच केली की पुढील व्यवहार अत्यंत सोप्या पद्धतीने होतात.
कोणत्या बँका RuPay Credit Card देतात?
भारतातील अनेक बँका RuPay क्रेडिट कार्ड ऑफर करतात. यात SBI Card, HDFC Bank, Punjab National Bank, Bank of Baroda, Axis Bank, Union Bank of India यांचा समावेश होतो. या बँकांचे कार्ड्स आता UPI ला सहज लिंक करता येतात. RuPay वेबसाइटवरून तुम्ही सर्व पात्र बँकांची यादी पाहू शकता. यामुळे ग्राहकांना विविध पर्याय मिळतात आणि कोणतं कार्ड घ्यायचं हे निवडणं सोपं होतं.
UPI Credit Card वापरताना घ्यावयाची काळजी
UPI शी क्रेडिट कार्ड लिंक करणं फायद्याचं असलं तरी काही बाबी लक्षात घेणं महत्त्वाचं आहे. क्रेडिट कार्ड ही उधारीची सुविधा असल्याने त्याचा अतिरेक टाळावा. फक्त गरज असेल तेव्हाच वापर करणं योग्य. वेळेवर बिल भरल्यास तुम्ही व्याज टाळू शकता. तुमच्या खर्चावर नियंत्रण ठेवा आणि क्रेडिट स्कोअर खराब होणार नाही याची काळजी घ्या. कार्ड लिमिट ओलांडू नका, कारण त्यामुळे अतिरिक्त चार्जेस लागतात आणि तुमचं आर्थिक आरोग्य बिघडू शकतं.
Credit Card UPI Link
एकविसाव्या शतकात डिजिटल व्यवहार हेच भविष्य आहे. UPI आणि क्रेडिट कार्ड यांची सांगड ही या डिजिटल युगातील एक स्मार्ट आणि फायद्याची संधी आहे. QR कोड स्कॅन करून तुम्ही कोणत्याही ठिकाणी पैसे भरू शकता, आणि त्यावर तुम्हाला रिवॉर्ड्स, कॅशबॅकसारखे फायदेही मिळतात. तुमचं क्रेडिट कार्ड फक्त ऑनलाईन शॉपिंगपुरतंच मर्यादित राहणार नाही, तर अगदी छोट्या दुकानांतही वापरता येईल. त्यामुळे आजच तुमचं RuPay क्रेडिट कार्ड UPI शी लिंक करा आणि डिजिटल व्यवहाराचं स्मार्ट युग सुरू करा.
Credit Card UPI Link external link: https://www.npci.org.in/
Table of Contents